తుంగతుర్తి మండల సహకార సంఘాన్ని బలోపేతం చేయాలి
sharma 
- ఘనంగా 102 వ అంతర్జాతీయ సహకార సంఘ దినోత్సవం
తుంగతుర్తి ముద్ర:- తుంగతుర్తి మండల కేంద్రంలోని రైతు సేవా సహకార సంఘం కార్యాలయంలో శనివారం 102వ అంతర్జాతీయ సహకార దినోత్సవం వేడుకలు ఘనంగా నిర్వహించారు. ఈ సందర్భంగా సహకార జెండాను డీసీసీబీ డైరెక్టర్, సింగిల్ విండో చైర్మన్ గుడిపాటి సైదులు ఎగరవేసి మాట్లాడారు. ఈ సందర్భంగా సైదులు మాట్లాడుతూ సహకార సంఘాన్ని బలోపేతం కోసం పాలకవర్గం కృషి చేయాలని, రైతులకు అందుబాటులో ఎరువులు, విత్తనాలు ఉన్నట్లు, ప్రభుత్వం త్వరలో రైతులందరికీ రుణమాఫీ చేయనున్నట్లు తెలిపారు. ఈ కార్యక్రమంలో సొసైటీ డైరెక్టర్లు రామచంద్రు, మజీద్, యాదగిరి, బిక్షం రెడ్డి ,రవీందర్ రెడ్డి ,యాకయ్య, చంపా నాయక్ సీఈవో వెంకటేశ్వర్లు సొసైటీ సిబ్బంది యాదగిరి మహేష్ ఉమేష్ తదితరులు పాల్గొన్నారు.
