మధురానగర్ పోలీస్ స్టేషన్ పరిధిలో దారుణం ... బట్టలు ఉతికేపని ఉందని పిలిచి మహిళపై సాముహిక అత్యాచారం
sharma 
మధురానగర్ పోలీస్ స్టేషన్ పరిధిలో దారుణం చోటు చేసుకుంది. మహిళపై ముగ్గురు వ్యక్తులు లైంగికదాడికి పాల్పడి తీవ్రంగా హింసించడం సంచలనం రేపింది. వివరాల్లోకి వెళ్తే.. ఇళ్లలో పనిమనిషిగా చేసే ఓ మహిళ సోమవారం రాత్రి కొండాపూర్‌లో పని ముగించుకొని తిరిగి ఇంటికి వెళ్లేందుకు సిద్ధమైంది.
ఈ క్రమంలో ఆటోలో వచ్చిన ముగ్గురు వ్యక్తులు తమ రూమ్‌లో బట్టలు ఉతకాలని చెప్పి తీసుకెళ్లారు. అనంతరం సదరు మహిళను రూమ్‌లో బంధించి పాశవికంగా లైంగికదాడికి పాల్పడ్డారు. మహిళ అక్కడి నుంచి అతి కష్టం మీద తప్పించుకుని మధురానగర్ పోలీస్ స్టేషన్లో ఫిర్యాదు చేసింది. పోలీసులు కేసు నమోదు చేసుకొని దర్యాప్తు చేపట్టారు. పూర్తి వివరాలు తెలియాల్సి ఉంది.
