పొగమంచుతో పొంచి ఉన్న ప్రమాదం
- పండగపూట ప్రయాణికులకు పోలీస్ వారి హెచ్చరిక
ముద్ర ప్రతినిధి , కోదాడ :- సంక్రాంతి పండుగకు హైదరాబాద్ నుండి విజయవాడకు వెళ్లే ప్రయాణికులతో జాతీయ రహదారి 65 రద్దీగా మారుతుంది . దాదాపు సగం మంది పట్నం వాసులు ఆంధ్రా పల్లెబాటలు పట్టటం అందరికి తెలిసిన విషయమే . అయితే కార్లలో మరియు ఇతర వాహనాలలో ప్రయాణించే ప్రయాణికులు తెల్లవారుజామున కురుస్తున్న పొగ మంచుతో అప్రమత్తంగా ఉండాలంటున్నారు పోలీస్ వారు . ఒక వైపు రద్దీ , మరోవైపు పొగమంచు తో వాహనదారులు ప్రమాదాల భారీన పడే అవకాశం ఉన్నందున ప్రయాణికులు పగటిపూట ప్రయాణానికే ప్రాధాన్యత ఇవ్వాలని పోలీస్ వారు కోరుతున్నారు . ఉమ్మడి నల్లగొండ జిల్లాలో మొత్తం 15 చోట్ల యాక్సిడెంట్ జోన్ లను గుర్తించారు . ముఖ్యంగా ఈ కూడళ్లలో చాలా నెమ్మదిగా వెళ్లాలని పోలీస్ వారు సూచిస్తున్నారు . వాటికి సంబంధిచిన వివరాలు ఈ విధంగా ఉన్నాయి .
హైదరాబాద్ నుండి విజయవాడ జాతీయరహదారి పై ప్రమాదకర ప్రాంతాలు
- నల్లగొండ జిల్లాలో
1. పెద్దకాపర్తి
2. చిట్యాల
3. నల్లగొండ క్రాస్ రోడ్
4. కట్టంగూర్
5. కొర్లపహాడ్
- సూర్యాపేట జిల్లా
1. ఎస్వి ఇంజనీరింగ్ కాలేజీ
2. జనగాం క్రాస్ రోడ్
3. ఈనాడు ఆఫీస్ క్రాస్ రోడ్
4. దురాజ్ పల్లి
5. ముకుందాపురం
6. ఆకుపాముల బైపాస్ క్రాస్
7. కొమరబండ క్రాస్
8. కట్టకమ్మగూడెం క్రాస్
9. దుర్గాపురం క్రాస్
10. రామాపురం క్రాస్