భారీ వర్షాలు, వరదల కారణంగా టీజీఎస్ఆర్టీసీ 560 బస్సులు రద్దు చేసింది
sharma 
భారీ వర్షాలు, వరదల కారణంగా టీజీఎస్ఆర్టీసీ భారీగా బస్సులను రద్దు చేసింది. పలు చోట్ల విజయవాడ- హైదరాబాద్ జాతీయ రహదారి కోతలకు గురికావడంతో యాజమాన్యం ఈ నిర్ణయం తీసుకుంది. ఏకంగా 560కి పైగా బస్సులను టీజీఎస్ఆర్టీసీ రద్దు చేసింది.
ఇందులో ఖమ్మం జిల్లాలో 160, వరంగల్ జిల్లాలో 150 బస్సులు, రంగారెడ్డి జిల్లాలో 70కి పైగా బస్సులు రద్దు చేసినట్లు అధికారులు స్పష్టం చేశారు. భారీ వర్షాలకు విజయవాడ-హైదరాబాద్ మధ్య రహదారులపై భారీగా వరద నీరు చేరడంతో రవాణా వ్యవస్థ స్తంభించిపోయింది. పరిస్థితిని అర్థం చేసుకుని ప్రయాణికులు ఆర్టీసీకి సహకరించాలని ఎండీ సజ్జనార్ కోరారు. అత్యవసరమైతే తప్ప ప్రయాణాలు పెట్టుకోవద్దని, వాయిదా వేసుకోవాలని సూచంచారు.
