గోదావరి వద్ద మొదటి ప్రమాద హెచ్చరిక జారీ.
sharma 
ముద్ర, తెలంగాణ బ్యూరో : భద్రాచలం వద్ద గోదావరి నీటిమట్టం గంట గంటకు పెరుగుతుంది. బుధవారం మధ్యాహ్నం 12.58 లకు 43 అడుగులు చేరుకోవడంతో అధికారులు మొదటి ప్రమాద హెచ్చరికను జారీ చేశారు. ప్రస్తుతం 43.30 అడుగులకు చేరింది. దీంతో భద్రాద్రి కొత్తగూడెం జిల్లా కలెక్టర్ జితేష్ వి.పాటిల్ అధికారులను అప్రమత్తంగా ఉండాలని సూచించారు. భద్రాచలం వద్ద గోదావరి ఉధృతి అంచనాలను గమనిస్తూ ముంపు ప్రాంత వాసులను తక్షణం పునరావాస కేంద్రాలకు తరలించే విధంగా చర్యలు చేపట్టాలని ఆదేశాలు జారీ చేశారు..
