షాపింగ్చేస్తున్నారా!
ఒకప్పుడు షాపింగ్ అనేది పెద్ద ప్రహసనం.. షాపులకు వెళ్లి తిరుగుతూ నచ్చినది దొరికే వరకు వెతికేవారు. కానీ ఇప్పుడు అలా కాదు.. ఆన్లైన్ షాపింగ్ వచ్చేసింది. చేతిలో మొబైల్ ఉంటే చాలు.. అన్ని షాపులూ కళ్లముందు ఉన్నట్లే.. ప్రత్యేక సందర్భమంటూ ఏమీ లేకున్నా షాపింగ్ చేసేస్తుంటారు. మరికొందరు పండుగలు, ప్రత్యేక సందర్భాల్లో షాపింగ్ చేస్తుంటారు. ఏదిఏమైనా షాపింగ్ చేసేటప్పడు డబ్బు వృథా కాకుండా ఉండాలంటే కొన్ని చిట్కాలను పాటించాలి.
- దుస్తుల ట్రెండ్ ఎప్పటికప్పుడు మారుతూ ఉంటుంది. ఒకేరకమైన దుస్తులు లాటుగా కొనేకంటే తక్కువ జతలను కొనడం ఉత్తమం. మరోసారి అప్పటి ట్రెండ్ను అనుసరించి కొనుక్కోవచ్చు.
- ఆన్లైన్ షాపింగ్ చేసేకంటే.. షాపుకు వెళ్లి బట్టలు కొనుక్కోవడం మేలు. నచ్చిన డిజైన్, నచ్చిన రంగును ఎంపిక చేసుకోవచ్చు. దుస్తుల నాణ్యతను కూడా స్వయంగా పరిశీలించవచ్చు.
- షాపింగ్ చేసే ముందే బడ్జెట్ను ఫిక్స్ చేసుకోవాలి. అంతలోనే షాపింగ్ చేయాలి. షాప్కు వెళ్లిన తరువాత అధిక ధర ఉన్నవి నచ్చాయని ఎక్కువ ఖరీదు పెట్టి కొంటే తరువాత ఇబ్బంది పడాల్సి వస్తుంది.
- షాపింగ్కు వెళ్లేముందు ఏవి కొనాలో స్పష్టత ఉండాలి. ఇంట్లో ఉన్న బట్టల రంగులను చూసుకుంటే షాపింగ్లో తికమకలు ఉండవు.
- ఒత్తిడిగా ఉన్నప్పుడు, సమయం లేనప్పుడు షాపింగ్ చేయకూడదు. హడావుడిలో ఏవి ఎంచుకుంటున్నామో తెలియకుండా కొనేస్తాం.
- చాలామంది షాపింగ్ చేస్తున్నప్పుడు రాయితీలను దృష్టిలో పెట్టుకుని అవసరమున్నా, లేకున్నా కొంటుంటారు. ఏదైనా కొంటున్నప్పుడు వాటి నాణ్యత, అవి ఎంతవరకు అవసరం అనే విషయాలను గమనించుకోవాలి.
- ఆన్లైన్ షాపింగ్ చేసేటప్పుడు అదనపు చార్జీలు పడుతున్నాయా, లేదా అని చూసుకోవాలి.