నీట్ లో ప్రతిభ కనబరిచిన విద్యార్థులు
sharma 
ముద్ర,రాయికల్ :- మంగళవారం రోజు ప్రకటించిన నీట్ పరీక్ష ఫలితాల్లో రాయికల్ మండలంలోని వీరాపూర్ గ్రామానికి చెందిన చెదలి హరీష్ బాబు అనే విద్యార్థి ఉత్తమ ప్రతిభ కనబరిచాడు. నీట్ పరీక్షలో 720 మార్కులకు గాను 523 మార్కులు సాధించి ఆలిండియా స్థాయిలో 176284 వ ర్యాంక్,ఓబీసీ కేటగిరీలో 83637 వ ర్యాంక్ సాధించాడు. నీట్ (నేషనల్ ఎలిజిబిలిటీ ఎంట్రన్స్ టెస్ట్)లో ఉత్తమ ర్యాంక్ సాధించడంతో కుటుంబ సభ్యులు సంతోషం వ్యక్తం చేశారు.ఈ సందర్భంగా ఆయనను గ్రామస్తులు అభినందించి శుభాకాంక్షలు తెలిపారు.అలాగే రాయికల్ పట్టణానికి చెందిన జక్కుల కీర్తన నీట్ పరీక్షలో 720 మార్కులకు గాను 582 మార్కులు సాధించి ఆలిండియా స్థాయిలో 101268 వ ర్యాంక్,ఓబీసీ కేటగిరీలో 48085 వ ర్యాంక్ సాధించింది.ఈ అమ్మాయిని పలువురు విద్యావేత్తలు అభినందించారు.
