నిత్య అభ్యసనం - నిరంతర పరిశోధన తోనే విద్యారంగంలో రాణింపు
ముద్ర వార్తలు 
- అప్డేటెడ్ జర్నలిజం తోనే మీడియా రంగంలో గుర్తింపు
- జర్నలిజం పిహెచ్డి పట్టా- డాక్టరేట్ తో పాటు గోల్డ్ మెడల్ సాధించిన జర్నలిస్టు డాక్టర్ బంటు కృష్ణ ను సన్మానించిన సూర్యాపేట డిఎస్పి గొల్లూరి రవి, షీ టీం ఎస్సై ప్రవీణ్ కుమార్, జెడ్పిటిసి జీడి బిక్షం, జర్నలిస్టులు నవిలే బద్రీనాథ్, పాషా,శంకర్ తదితరులు
ముద్ర,సూర్యాపేట:- నిత్య అభ్యసనం, నిరంతర పరిశోధన తోనే విద్యారంగంలో రాణించి అగ్ర శిఖరాలకు చేరుకోవచ్చని, జర్నలిజం రంగంలో నానాటికి వస్తున్న మార్పులకు అనుగుణంగా జర్నలిస్టులు కూడా అప్డేట్ అయితేనే మీడియా రంగంలో మరింతగా గుర్తింపు వస్తుందని సూర్యాపేట డిఎస్పి గొల్లూరి రవి చెప్పారు. ఇటీవల జర్నలిజం లో పి హెచ్ డి పట్టా తో పాటు డాక్టరేట్ సాధించి గోల్డ్ మెడల్ రాష్ట్ర గవర్నర్ తమిళ్ సై చేతుల మీదుగా అందుకున్న సీనియర్ జర్నలిస్ట్, రాష్ట్ర ఉత్తమ జర్నలిస్టు అవార్డు గ్రహీత డాక్టర్ బంటు కృష్ణను డి.ఎస్.పి రవికుమార్, షీ టీం ఎస్సై ప్రవీణ్ కుమార్, సూర్యాపేట జెడ్ పి టి సి జీడి భిక్షం, జర్నలిస్టులు నవిలే బద్రీనాథ్ శంకర్ పాషా రాజశేఖర్, హోప్ స్వచ్ఛంద సేవా సంస్థ సింధు ఆర్ట్స్ అకాడమీ వ్యవస్థాపక అధ్యక్షుడు దైద వెంకన్నలు శుక్రవారం బొకేలు, పూలదండలు, శాలువాలతో ఘనంగా విడివిడిగా సన్మానించిన సందర్భంగా మాట్లాడారు.
పత్రికా రంగంలో తనకంటూ ఒక ప్రత్యేక స్థానాన్ని సంపాదిస్తూనే విద్యారంగంలో కూడా అగ్ర శిఖరమైన గోల్డ్ మెడల్ ని కూడా సాధించడం బంటు కృష్ణ నిరంతర శ్రమకు, కృషికి నిదర్శనం అని చెప్పారు. విద్యారంగం, మీడియా రంగంలో అకుంఠిత దీక్ష, మొక్కవోని ధైర్యంతో ప్రతిభను చాటుకొని సూర్యాపేట పేరును రాష్ట్రంలోనే ప్రముఖంగా వినిపించేలా చేయడం, తను సాధించిన ఇంత గొప్ప ఘనతను కన్న తల్లిదండ్రులకు, ప్రపంచ మేధావిగా కొనియాడ బడిన భారత రాజ్యాంగ నిర్మాత డాక్టర్ బి.ఆర్ అంబేద్కర్ కు అంకిత ఇవ్వడం బంటు కృష్ణ లోని మానవత్వానికి, విజ్ఞాన తత్వానికి రోల్ మోడల్ గా చెప్పుకోవచ్చు అన్నారు. ఇంకా ఈ కార్యక్రమంలో జర్నలిస్టులు కొండ్లె కృష్ణయ్య, అజయ్, మామిడి శంకర్, పడిసిరి వెంకట్, జహీర్, యగ్గే శంకర్, మామిడి శ్రవణ్, సైదులు గౌడ్, ఉయ్యాల నరసయ్య, వెంకన్న, పాష, సతీష్, బాచి, దుర్గం బాలు, కలుకూరి విజయ్, షీ టీం జాఫర్, ఎల్లారెడ్డి, శివరాం తదితరులు పాల్గొన్నారు.
