గత అసెంబ్లీ ఎన్నికల మెజార్టీని తిరగ రాసిన తుంగతుర్తి నియోజకవర్గ ప్రజానీకం

గత అసెంబ్లీ ఎన్నికల మెజార్టీని తిరగ రాసిన తుంగతుర్తి నియోజకవర్గ ప్రజానీకం
  • భువనగిరి పార్లమెంట్ అభ్యర్థిగా రెండు లక్షలకు పైగా మెజారిటీతో చామల కిరణ్ కుమార్ రెడ్డి గెలుపొందడం హర్షదాయకం
  • తుంగతుర్తి నియోజకవర్గ అభివృద్ధి కి కృషి చేస్తా
  • తుంగతుర్తి శాసనసభ్యులు మందుల సామేల్


తుంగతుర్తి ముద్ర:-భువనగిరి పార్లమెంట్ అభ్యర్థిగా చామల కిరణ్ కుమార్ రెడ్డి గెలుపుకు అత్యధిక మెజారిటీ 63 వేల ఓట్లు ఇచ్చిన తుంగతుర్తి నియోజకవర్గ ప్రజలకు ప్రత్యేక కృతజ్ఞతలు అని తుంగతుర్తి శాసనసభ్యులు మందుల సామేల్ అన్నారు .ఎన్నికల ఫలితాలు వెలువడిన అనంతరం ముద్ర ప్రతినిధితో మాట్లాడుతూ తుంగతుర్తి నియోజకవర్గంలో గత అసెంబ్లీ ఎన్నికల్లో తనకు వచ్చిన 51వేల మెజారిటీ కన్నా ఎక్కువ మెజార్టీ ఇచ్చిన తుంగతుర్తి నియోజకవర్గ ప్రజానీకానికి ఎల్లవేళలా రుణపడి ఉంటానని అన్నారు.

భువనగిరి పార్లమెంట్ పరిధిలోని మిగతా నియోజకవర్గాల్లో కూడా మంచి మెజారిటీ ఇచ్చిన ప్రజలు ఎంపీగా రెండు లక్షల పైగా మెజారిటీతో గెలిపించడం హర్షదాయకం అని అన్నారు .తుంగతుర్తి నియోజకవర్గం అభివృద్ధి చెందాలంటే అది కేవలం తనతోనే సాధ్యమని కుంటుబడ్డ విద్యా వైద్య రవాణా రంగాలను అభివృద్ధి పథంలోకి తీసుకెళ్తామని అన్నారు .తుంగతుర్తి నియోజకవర్గం అభివృద్ధిలో వెనుకపడలేదని నియోజకవర్గంలో గెలిచినవారు అభివృద్ధిలో వెనుక పడవేశారని అన్నారు .నియోజకవర్గాన్ని అన్ని రంగాల్లో అభివృద్ధి చేయడానికి తాను కృషి చేయనున్నట్లు తెలిపారు తుంగతుర్తి నియోజకవర్గ ప్రజలు ఇచ్చిన భారీ మెజార్టీని నియోజకవర్గ ఉద్యమకారులకు అంకితం ఇస్తున్నామని అన్నారు. కాంగ్రెస్ పార్టీ అభ్యర్థి గెలుపు కోసం కృషి చేసిన అన్ని మండలాల కాంగ్రెస్ పార్టీ నాయకులకు కార్యకర్తలకు ప్రత్యేక కృతజ్ఞతలు తెలిపారు.