డెయిరీ మిల్క్ చాక్లెట్‌లో బతికున్న పురుగు..!
ముద్ర వార్తలు 
ముద్ర,హైదరాబాద్:- హైదరాబాద్‌కు చెందిన ఓ వ్యక్తి నగరంలోని అమీర్ పెట్ మెట్రో స్టేషన్‌లో క్యాడ్బరీ డైరీ మిల్క్ చాక్లెట్ కొనుగోలు చేశాడు. కవర్ ను కట్ చేసి తిందామని చూశాడు. అంతలో ఊహించని షాక్ ఎదురైంది. చాక్లెట్ లో ప్రాణాలతో, పాకుతున్న పురుగును గమనించాడు. వెంటనే జీహెచ్ఎంసీ అధికారులకు ఫిర్యాదు చేశాడు.
డెయిరీ మిల్క్ చాకట్ లో పురుగులు ఉండటం పట్ల సూపర్ మార్కెట్ యాజమాన్యాన్ని, క్యాడ్బరీ ప్రశ్నించారు. గడువు తీరిన ఈ ఉత్పత్తులకు క్వాలిటీ చెక్ ఉందా? ప్రజారోగ్య ప్రమాదాలకు ఎవరు బాధ్యత వహిస్తారు? అని రాబిన్ నిలదీశారు. ఈ పోస్ట్ కు గ్రేటర్ హైదరాబాద్ మున్సిపల్ కార్పొరేషన్, క్యాడ్బరీ డెయిరీ మిల్క్, రత్నదీప్ సూపర్ మార్కెట్ ను ట్యాగ్ చేస్తూ, తన కొనుగోలు బిల్లు ఫొటోను షేర్ చేశారు.
అయితే దీనిపై క్యాడ్బరీ స్పందించింది. ‘‘హాయ్, మాండెలెజ్ ఇండియా ఫుడ్స్ ప్రైవేట్ లిమిటెడ్ (గతంలో క్యాడ్బరీ ఇండియా లిమిటెడ్) అత్యున్నత నాణ్యతా ప్రమాణాలను మెయింటెన్ చేయడానికి ప్రయత్నిస్తుంది. మీకు ఎదురైన చేదు అనుభవానికి చింతిస్తున్నాం.మీ ఫిర్యాదును పరిష్కరించేందుకు దయచేసి మీ పూర్తి పేరు, అడ్రెస్, ఫోన్ నెంబరు, కొనుగోలు వివరాలను Suggestions@mdlzindia.com ద్వారా మాకు అందించండి.’’ అని పేర్కొంది. మీ ఫిర్యాదుపై యాక్షన్ తీసుకోవడానికి మేము ఈ వివరాలు కోరుతున్నామని స్పష్టం చేసింది. కాగా.. చాక్లెట్ లో పురుగు వచ్చిన ఘటనపై జీహెచ్ ఎంసీ కూడా స్పందించింది. ఈ ఘటనను సంబంధిత ఫుడ్ సేఫ్టీ టీమ్ కు వివరించామని, వీలైనంత త్వరగా దీనిని పరిష్కరిస్తామనిపేర్కొంది.
