ముద్ర ప్రతినిధి, జగిత్యాల:
ధర్మపురి ఎమ్మెల్యే, తెలంగాణ సంక్షేమ శాఖ మంత్రి వర్యులు అడ్లూరి లక్ష్మణ్ కుమార్ జన్మదినం సందర్భంగా జగిత్యాల ఎమ్మెల్యే సంజయ్ కుమార్ ఆధ్వర్యంలో క్యాంప్ కార్యాలయంలో బుధవారం జన్మదిన వేడుకలను ఘనంగా నిర్వహించారు. ఈ సందర్భంగా కేక్ కట్ చేసి, స్వీట్లు పంపిణీ చేశారు. ఈ సందర్భంగా ఎమ్మెల్యే మాట్లాడుతూ జిల్లా మంత్రి అడ్లూరి లక్ష్మణ్ కుమార్ ఎల్లప్పుడు ఆయురారోగ్యాలు, సుఖశాంతులతో వందేళ్లు జీవిస్తూ భవిష్యత్తులో మరిన్ని ఉన్నత పదవులు పొందాలని ఆకాంక్షించారు. ఈ కార్యక్రమంలో జిల్లా కాంగ్రెస్ జిల్లా అధ్యక్షులు గాజంగి నందయ్య, మున్సిపల్ చైర్పర్సన్ సమీండ్ల వాణి శ్రీనివాస్, మాజీ మున్సిపల్ చైర్మన్లు గిరి నాగభూషణం, అడ్వాల జ్యోతి లక్ష్మణ్, ఏఎంసీ ఛైర్మెన్ గడ్డం నారాయణరెడ్డి, కౌన్సిలర్లు, గ్రామ సర్పంచులు, నాయకులు తదితరులు ఉన్నారు.