ముద్ర ప్రతినిధి, నిర్మల్:
నిర్మల్ సబ్ డివిజన్ డి ఎస్పీగా పి.శ్రీనివాస్ సోమవారం పదవీ బాధ్యతలు స్వీకరించారు. అనంతరం జిల్లా పోలీసు కార్యాలయంలో ఎస్పీ డా.జి.జానకి షర్మిలను మర్యాదపూర్వకంగా కలిశారు. ఈ సందర్భంగా ఎస్పీ, నూతన డీఎస్పీకి శుభాకాంక్షలు తెలియజేశారు. విధుల్లో నిబద్ధతతో పనిచేయాలని సూచించారు. ప్రజలతో సత్సంబంధాలు కొనసాగిస్తూ, శాంతి భద్రతల పరిరక్షణలో సమర్థవంతంగా పని చేయాలని సూచించారు. అలాగే నేరాల నియంత్రణ, ట్రాఫిక్ నిర్వహణ, ప్రజా సమస్యల పరిష్కారంలో చురుకుగా స్పందించాలన్నారు.