Take a fresh look at your lifestyle.

కేసీఆర్ కుటుంబంలో తీవ్ర విషాదం …

తెలంగాణ మాజీ ముఖ్యమంత్రి, బీఆర్ అధినేత కేసీఆర్ కుటుంబంలో విషాదం చోటుచేసుకుంది. కేసీఆర్ సోదరి చీటి సకలమ్మ (82) కన్నుమూశారు. గత కొంత కాలంగా అనారోగ్య సమస్యలతో బాధపడుతున్న సకలమ్మ సికింద్రాబాద్ యశోద ఆస్పత్రిలో చికిత్స పొందుతున్నారు. అయితే పరిస్థితి విషమించడంతో ఆమె శుక్రవారం రాత్రి తుదిశ్వాస విడిచారు. సకలమ్మ మరణవార్త తెలుసుకున్న బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, ఎమ్మెల్సీ కవిత, మాజీ మంత్రి హరీశ్‌రావు హుటాహుటిన యశోద ఆస్పత్రికి వెళ్లారు. ఇక, సకలమ్మ మృతదేహాన్ని ఆమె నివాసం ఉండే ఓల్డ్ అల్వాల్‌లోని టీఎస్‌ఆర్ గోల్డెన్ లీఫ్ అపార్ట్‌మెంట్‌కు తరలించారు. సకలమ్మ మృతితో కేసీఆర్ కుటుంబంలో విషాదం నెలకొంది. సకలమ్మ అంత్యక్రియలు శనివారం నిర్వహించనున్నట్లు తెలుస్తోంది.
కేసీఆర్‌కు సకలమ్మ 5వ సోదరి.. సకలమ్మ భర్త హన్మంతరావు కొన్నేళ్ల క్రితమే మరణించారు. వారి స్వగ్రామం రాజన్న సిరిసిల్ల జిల్లా ఎల్లారెడ్డిపేట మండలం పెదిర. వారికి ముగ్గురు కుమారులు ఉన్నారు.ఇదిలాఉంటే, జీహెచ్‌ఎంసీ పరిధిలో ఈరోజు జరగాల్సిన బీఆర్ఎస్ సమావేశం వాయిదా పడింది. ఈరోజు గ్రేటర్ పరిధిలోని పార్టీ ఎమ్మెల్యేలు, ఎమ్మెల్సీలు, కార్పొరేటర్లు, ముఖ్య నాయకులతో బీఆర్ఎస్ వర్కింగ్‌ ప్రెసిడెంట్‌ కేటీఆర్‌ సమావేశం నిర్వహించాలని నిర్ణయించారు. అయితే కేసీఆర్‌ సోదరి సకలమ్మ మృతి నేపథ్యంలో ఈ సమావేశం వాయిదా పడినట్టు బీఆర్‌ఎస్‌ వర్గాలు వర్గాలు వెల్లడించాయి.

Leave A Reply

Your email address will not be published.