ముద్ర, స్పోర్ట్స్ డెస్క్:
ఐసీసీ విడుదల చేసిన తాజా వన్డే ర్యాంకింగ్స్లో భారత క్రికెటర్లు ఆధిపత్యాన్ని ప్రదర్శించారు. ముఖ్యంగా బ్యాటింగ్ విభాగంలో టాప్-5లో ముగ్గురు భారత ఆటగాళ్లు స్థానం దక్కించుకోవడం విశేషంగా నిలిచింది.
బ్యాటింగ్ ర్యాంకింగ్స్లో న్యూజిలాండ్ ఆటగాడు డారిల్ మిచెల్ అగ్రస్థానంలో కొనసాగుతున్నాడు. భారత స్టార్ బ్యాటర్ విరాట్ కోహ్లీ రెండో స్థానంలో నిలిచాడు. ఆఫ్ఘనిస్తాన్ ఆటగాడు ఇబ్రాహీం జద్రాన్ మూడో స్థానంలో ఉండగా, రోహిత్ శర్మ నాలుగో స్థానాన్ని దక్కించుకున్నాడు. శుభ్మన్ గిల్ ఐదో స్థానంలో నిలిచాడు. టాప్-5లో ముగ్గురు భారత ఆటగాళ్లు ఉండటం జట్టు బలాన్ని సూచిస్తోంది.
బౌలింగ్, ఆల్రౌండర్లలో ఆఫ్ఘన్ జోరు
బౌలింగ్ విభాగంలో ఆఫ్ఘనిస్తాన్ స్పిన్నర్ రషీద్ ఖాన్ మొదటి స్థానంలో ఉన్నాడు. ఇంగ్లాండ్ పేసర్ జోఫ్రా ఆర్చర్, దక్షిణాఫ్రికా స్పిన్నర్ కేశవ్ మహారాజ్ తదుపరి స్థానాల్లో నిలిచారు. నమీబియా ఆటగాడు బెర్నార్డ్ స్కోల్ట్జ్ నాలుగో స్థానంలో నిలిచాడు.
ఆల్రౌండర్ల జాబితాలో అజ్మతుల్లా ఒమర్జాయ్ అగ్రస్థానంలో ఉండగా, సికందర్ రజా, మహ్మద్ నబీ టాప్-3లో నిలిచారు.