ముద్ర హైదరాబాద్ :
తెలంగాణ రాష్ట్రంలో బిల్డర్స్ అసోసియేషన్ ఆఫ్ ఇండియా (BAI) ఆధ్వర్యంలో రాష్ట్ర, సెంటర్ చైర్మన్ల ప్రతిష్టాపన కార్యక్రమం ఘనంగా నిర్వహించబడింది. ఈ కార్యక్రమానికి ప్రముఖులు, సభ్యులు భారీగా హాజరై వేడుకను విజయవంతం చేశారు.
ఈ కార్యక్రమానికి ముఖ్య అతిథిగా విచ్చేసిన శ్రీ బి. సీనయ్య గారు సభ్యులను ఉద్దేశించి ప్రసంగించారు. నిర్మాణ రంగంలో నాణ్యతకు ప్రాధాన్యత ఇవ్వడంతో పాటు పనులను నిర్దిష్ట సమయానికి పూర్తి చేయడం అత్యంత కీలకమని ఆయన సూచించారు.
ఇన్స్టలేషన్ ఆఫీసర్గా పాల్గొన్న ఆల్ ఇండియా వైస్ ప్రెసిడెంట్ శ్రీ వి. సత్య మూర్తి గారు, తెలంగాణ రాష్ట్ర చైర్మన్గా శ్రీ వి. రవీందర్ రెడ్డి గారిని, అలాగే 20 మంది సెంటర్ చైర్మన్లను ప్రతిష్టాపన చేశారు. ఈ సందర్భంగా మాట్లాడుతూ కాంట్రాక్టర్ల సమస్యల పరిష్కారానికి ఎల్లప్పుడూ అందుబాటులో ఉంటానని హామీ ఇచ్చారు.
కార్యక్రమంలో ఆల్ ఇండియా మాజీ అధ్యక్షులు ఎస్.ఎన్. రెడ్డి గారు, మాజీ వైస్ ప్రెసిడెంట్లు ఎన్. సచితానంద రెడ్డి గారు, డి.వి.ఎన్. రెడ్డి గారు, అలాగే మాజీ రాష్ట్ర చైర్మన్లు యు. సురేందర్ గారు, కె. దేవేందర్ రెడ్డి గారు, వి. భాస్కర్ రెడ్డి గారు పాల్గొన్నారు.
ఈ వేడుకలో ఈవెంట్ చైర్మన్గా వి. సుధాకర్ గారు, కో-చైర్మన్గా ఎస్. శ్రీనివాస్ రావు గారు వ్యవహరించి కార్యక్రమాన్ని సమర్థంగా నిర్వహించారు.