హైదరాబాద్: రాష్ట్ర అడ్వకేట్ జనరల్ దమ్మాలపాటి శ్రీనివాస్ గారి కుమార్తె వివాహం నగరంలో ఘనంగా జరిగింది. ఈ వివాహ వేడుకకు ముఖ్యమంత్రి నారా చంద్రబాబు నాయుడు గారు, ఆయన సతీమణి నారా భువనేశ్వరి గారు హాజరై నూతన వధూవరులు మానస – సిద్ధార్థ్లకు శుభాకాంక్షలు తెలిపారు.
వివాహ వేడుకలో పాల్గొన్న ముఖ్యమంత్రి దంపతులు వధూవరులను ఆశీర్వదిస్తూ, వారి దాంపత్య జీవితం సుఖసంతోషాలతో నిండాలని ఆకాంక్షించారు. ఈ సందర్భంగా కుటుంబ సభ్యులతో కొద్దిసేపు ముచ్చటించిన సీఎం, ఈ శుభ సందర్భానికి ఆహ్వానించినందుకు కృతజ్ఞతలు తెలిపారు.
ఈ కార్యక్రమానికి పలువురు ప్రముఖులు, న్యాయవాదులు, రాజకీయ నాయకులు హాజరై వధూవరులను అభినందించారు. వివాహ వేడుక ఆత్మీయ వాతావరణంలో ఆనందంగా కొనసాగింది.