ముద్ర కూకట్పల్లి :
ఇంట్లో ఎవరికీ చెప్పకుండా ఓ వివాహిత అదృశ్యమైన ఘటన కేపీహెచ్బీ పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం…
కె.పి.హెచ్.బి ఫేజ్-6 లోని భావన రెసిడెన్సీలో యార్లగడ్డ రామ్ చంద్రకాంత్ తన కుటుంబంతో కలిసి నివసిస్తున్నారు. శుక్రవారం ఉదయం 8:30 గంటల సమయంలో ఆయన పని నిమిత్తం బయటకు వెళ్లారు. కొద్దిసేపటి తర్వాత ఆయన కుమార్తె ఫోన్ చేసి, తల్లి మాగంటి ప్రవళిక (37) ఇంట్లో మొబైల్ ఫోన్ వదిలేసి ఎక్కడికో వెళ్ళిపోయిందని సమాచారం అందించింది.
వెంటనే ఇంటికి చేరుకున్న చంద్రకాంత్ అపార్ట్మెంట్ సిసిటివి (CCTV) ఫుటేజీని పరిశీలించగా, ప్రవళిక ఒక క్యాబ్లో ఎక్కి వెళ్లినట్లు గుర్తించారు. బాధితుడి ఫిర్యాదు మేరకు ఎస్ఐ టి. అవినాష్ బాబు కేసు నమోదు చేసుకుని దర్యాప్తు చేస్తున్నారు