ముద్ర ప్రతినిధి, మెదక్:*
మెదక్ పట్టణంలోని శ్రీ అయ్యప్ప స్వామి ఆలయంలో ఉగాది సందర్బంగా వైద్య రాజు పంతులు పంచాంగ పఠనం చేశారు. భక్తులు పాల్గొన్నారు. ఈ ఏడాది నవనాయకులలో ఏడుగురు శుభ ఫలితాలు ఇచ్చే వారుండటంతో అంతా మంచే జరుగుతుందని పేర్కొన్నారు. రాజుగా గురుడు, సైన్యాధిపతిగా చంద్రుడు, ధాన్యాధిపతిగా బుధుడు ఉన్నారని వివరించారు. ఈ ఏడాది 4 భాగాల వర్షం కురిసే అవకాశం ఉందని, యమునా పుష్కరాలు ఉండగా ఎలాంటి గ్రహణాలు లేవని ఆయన వివరించారు.
అన్ని రంగాల్లో కూడా అభివృద్ధి సాధించడంతో పాటు రహదారులు చాలా గొప్పగా నిర్మించబడతాయన్నారు. అనంతరం భక్తులకు తీర్థ ప్రసాదాలు, పచ్చడి వితరణ చేశారు.
