​శ్రీ ఎర్ర పోచమ్మ తల్లి దేవస్థాన వార్షికోత్సవంలో పాల్గొన్న వడ్డేపల్లి రాజేశ్వరరావు

ముద్ర కూకట్‌పల్లి : వెస్ట్ సాయి నగర్ కాలనీలోని శ్రీ ఎర్ర పోచమ్మ తల్లి దేవస్థాన తృతీయ వార్షికోత్సవ వేడుకలు గురువారం అత్యంత వైభవంగా నిర్వహించబడ్డాయి. ఈ వేడుకల్లో భాగంగా ఆలయ కమిటీ సభ్యుల ఆహ్వానం మేరకు బీజేపీ రాష్ట్ర కార్యవర్గ సభ్యులు వడ్డేపల్లి రాజేశ్వరరావు పాల్గొని అమ్మవారిని దర్శించుకున్నారు.
​రాజేశ్వరరావు ఆలయానికి చేరుకోగానే కమిటీ సభ్యులు ఆయనకు ఘన స్వాగతం పలికారు. అనంతరం ఆయన అమ్మవారికి ప్రత్యేక పూజలు నిర్వహించి మొక్కులు చెల్లించుకున్నారు. ఈ సందర్భంగా ఆలయ అర్చకులు వేదమంత్రోచారణల మధ్య ఆయనకు తీర్థప్రసాదాలు అందజేసి, ఆశీర్వచనాలు పలికారు.
ఈ ఆధ్యాత్మిక కార్యక్రమంలో వడ్డేపల్లి రాజేశ్వరరావుతో పాటు  బీజేపీ నాయకులు రామరాజు, ​నర్సింగ్​ , స్థానిక కాలనీ వాసులు మరియు భక్తులు పెద్ద సంఖ్యలో పాల్గొన్నారు.
​అమ్మవారి కృపాకటాక్షాలతో కాలనీ ప్రజలందరూ సుఖసంతోషాలతో ఉండాలని ఈ సందర్భంగా నేతలు ఆకాంక్షించారు.