​కూకట్‌పల్లిలో వైభవంగా మల్లికార్జున స్వామి జాతర: పాల్గొన్న బీజేపీ నాయకుడు వడ్డేపల్లి రాజేశ్వరరావు

ముద్ర కూకట్‌పల్లి :
కూకట్‌పల్లిలో వెలసిన శ్రీ భ్రమరాంబ మల్లికార్జున స్వామి వారి జాతర మహోత్సవం మంగళవారం గొల్ల కురుమ సంఘం ఆధ్వర్యంలో భక్తిశ్రద్ధలతో అత్యంత ఘనంగా నిర్వహించబడింది. ఈ వేడుకల్లో భాగంగా గొల్ల కురుమ సంఘం సభ్యుల ప్రత్యేక ఆహ్వానం మేరకు బీజేపీ రాష్ట్ర కార్యవర్గ సభ్యులు వడ్డేపల్లి రాజేశ్వరరావు
​స్వామివారికి ప్రత్యేక పూజలు నిర్వహించారు అనంతరం రాజేశ్వరరావు జాతర ఉత్సవాలను పరిశీలించి, భక్తులతో కలిసి కొద్దిసేపు గడిపారు. ఈ సందర్భంగా ఆయన మాట్లాడుతూ.. “ఆలయాలు మన భారతీయ సంస్కృతి, సంప్రదాయాలకు ప్రతీకలు. ఇలాంటి పుణ్యక్షేత్రాలను కాపాడుకోవాల్సిన బాధ్యత అందరిపై ఉంది” అని పేర్కొన్నారు. ఆలయ అభివృద్ధికి తన వంతు సహాయ సహకారాలు ఎల్లప్పుడూ ఉంటాయని ఆయన హామీ ఇచ్చారు.
​కార్యక్రమం అనంతరం ఆలయ కమిటీ సభ్యులు మరియు అర్చకులు వేద ఆశీర్వచనాలతో వడ్డేపల్లి రాజేశ్వరరావును శాలువాతో ఘనంగా సన్మానించారు. ఈ కార్యక్రమంలో గొల్ల కురుమ సంఘం నాయకులు:
​నగేష్ యాదవ్
​నర్సింగ్ రావు
​నర్సింగ్ యాదవ్
​గోపాలకృష్ణ కురమ
​మల్లేష్ యాదవ్
​చైతన్య యాదవ్
​మనమ్మ, మల్లమ్మ, లలిత మరియు పెద్ద సంఖ్యలో భక్తులు పాల్గొన్నారు.