శ్రీరామనవమి వేడుకల్లో దగ్ధమైన ఆలయ పందిరి
ముద్ర వార్తలు 
పశ్చిమ గోదావరి జిల్లా తణుకు మండలం దువ్వలో నిర్వహించిన శ్రీరామనవమి వేడుకల్లో అపశ్రుతి చోటుచేసుకుంది. తారాజువ్వ పడటంతో వేణుగోపాలస్వామి ఆలయ పందిరి దగ్ధమైంది. పెద్ద ఎత్తున మంటలు చెలరేగాయి. ఆలయంలో జరిగిన ఈ ఘటనతో భక్తులు భయంతో పరుగులు తీశారు. ఎవరికీ ఎలాంటి ప్రమాదం జరగలేదు. భక్తులతో కలిసి స్థానికులు మంటలను అదుపులోకి తీసుకొచ్చారు.
