విజయనగరం జిల్లాను అన్ని విధాల అభివృద్ధి చేస్తున్నాం
ముద్ర వార్తలు 
విజయనగరం జిల్లాను అన్ని విధాల అభివృద్ధి చేస్తున్నామని ఏపీ సీఎం జగన్ చెప్పారు. ఉత్తరాంధ్రకు పోర్టు మణిహారం అయితే కొత్త విమానాశ్రయం కిరీటం కాబోతోందన్నారు. రూ. 194 కోట్లతో తారకరామా తీర్థ సాగరం ప్రాజెక్టు నిర్మిస్తున్నామన్నారు. రూ. 24 కోట్లతో ఫిష్ ల్యాండింగ్ సెంటర్ ఏర్పాటు చేస్తున్నామన్నారు. ఉద్యోగం, ఉపాధి కోసం ఉత్తరాంధ్రకు వచ్చే పరిస్థితులు ఏర్పడ్డాయన్నారు. మూడేళ్లలో కొత్త ఎయిర్పోర్టు తయారవుతుందన్నారు. గత ప్రభుత్వ హయాంలో ఎందుకు ప్రాజెక్టులు చేపట్టలేదని ప్రశ్నించారు. ఎన్నికలకు రెండు మూడు రోజుల ముందు టెంకాయ కొట్టేవారు. తాము గతంలోనే శంకుస్థాపన చేశామని చెప్పుకునేవారు. రూ.5 వేల కోట్లతో రెండు రన్వేలతో ఎయిర్పోర్టును నిర్మిస్తున్నాం. తొలి దశలో 60 లక్షల జనాభాకు అనుగుణంగా ఎయిర్పోర్టు నిర్మిస్తున్నామన్నారు. దీన్ని 24 నెలల నుంచి 30 నెలల్లో పూర్తి చేస్తామని హామీ ఇచ్చారు. ప్రాజెక్టుకు సహకరించిన ప్రధాని మోదీకి, కేంద్ర మంత్రి జ్యోతిరాదిత్య సింధియాకు ధన్యవాదాలు తెలిపారు.
