బీజేపీ విజయాలు
ముద్ర వార్తలు 
- ఎంపీలో చౌహాన్
- రాజస్థాన్లో వసుంధర
- ఛత్తీస్గఢ్లో రమణ్సింగ్
ముద్ర సెంట్రల్ డెస్క్: హోరాహోరీగా కొనసాగుతుందనుకున్న ఎన్నికల వార్ కాస్త ‘వార్ వన్సైడ్’ దిశగా మలుపు తీసుకుంది. దీంతో బీజేపీ విజయం నల్లేరు మీద నడకే అని తేలిపోయింది. హాట్సీట్లలోని అభ్యర్థులు విజయం దిశగా దూసుకుపోతుండగా, కొందరు విజయం సాధించారు. మరికొందరు అభ్యర్థులకు సంబంధించి కౌంటింగ్ కొనసాగుతోంది.
మధ్యప్రదేశ్లో..
మధ్యప్రదేశ్ సీఎం శివరాజ్సింగ్ చౌహాన్ ఎంపీలోని బుదానీ స్థానం నుంచి పోటీ చేసి విజయం సాధించారు. కాంగ్రెస్ అభ్యర్థి కమల్నాథ్ చించ్వాడా స్థానం నుంచి గెలుపొందగా, ఇండోర్ నుంచి కైలాశ్ విజయ్వర్గీయ్ (బీజేపీ) విజయం సాధించారు. రాకేశ్ సింగ్ జబల్పూర్ (పశ్చిమం) (బీజేపీ) నుంచి విజయం సాధించగా, తులసీరామ్ సిలావత్ (బీజేపీ) సన్వార్ నుంచి విజయం సాధించారు. కాంగ్రెస్ అభ్యర్థి తరుణ్ భానోట్ జబల్పూర్ (పశ్చిమం) నుంచి ఓటమి పాలయ్యారు. మధ్యాహ్నం 2.30 గంటల వరకు అందిన సమాచారం ప్రకారం బీజేపీ 156 స్థానాల్లో గెలుపుదిశగా దూసుకువెళుతుండగా, రెండు స్థానాల్లో విజయాన్ని కైవసం చేసుకుంది. కాంగరెస్ పార్టీ 66 స్థానాల్లో గెలుపు దిశగా దూసుకువెళుతుండగా, నాలుగు స్థానాల్లో గెలుపు సాధించింది.
రాజస్థాన్లో..
రాజస్థాన్లో బీజేపీ 115 స్థానాల్లో గెలుపు దిశగా దూసుకువెళుతుండగా, 12 స్థానాల్లో గెలుపొందింది. అధికార కాంగ్రెస్ పార్టీ 68 స్థానాల్లో గెలుపు దిశగా వెళుతుండగా 10 స్థానాల్లో గెలుపొందింది. రాజస్థాన్ సీఎంగా కొనసాగుతున్న అశోక్ గెహ్లాట్ సర్దార్పురా నుంచి గెలుపొందగా, బీజేపీ నుంచి సీఎం అభ్యర్థిగా భావిస్తున్న వసుంధర రాజే జాలారాపటాన్ నుంచి విజయం సాధించారు. మరో కాంగ్రెస్ అభ్యర్థి కోటా నుంచి పోటీలో ఉన్న శాంతికుమార్ ధరివాల్ గెలుపొందారు. జ్యోత్వారా నుంచి బీజేపీ అభ్యర్థి రాజ్యవర్ధన్సింగ్ రాథోర్ గెలుపొందారు. తిజారా నుంచి బాబా బాలక్నాథ్ యోగి గెలుపొందారు. దియా కుమారి–విద్యాధర నగర్ (బీజేపీ) గెలుపు దిశగా లీడ్లో కొనసాగుతుండగా, సచిన్ పైలెట్ (కాంగ్రెస్–టోంక్) కూడా గెలుపు దిశగా కొనసాగుతున్నారు.
ఛత్తీస్గఢ్..
ఛత్తీస్గఢ్లో 90 అసెంబ్లీ స్థానాలకు గాను 53 స్థానాల్లో బీజేపీ గెలుపు దిశగా పయనిస్తుండగా, కాంగ్రెస్ 35 స్థానాల్లో గెలుపు దిశగా కొనసాగుతోంది. ఇతరులు రెండు స్థానాల్లో మెజార్టీ ఓట్లు సాధిస్తున్నారు. కాగా కాంగ్రెస్ ప్రస్తుత సీఎం పటాన్ నుంచి పోటీ చేసిన భూపేశ్ బాగేల్ లీడ్లో కొనసాగుతుండగా, బీజేపీ సీఎం అభ్యర్థిగా పేర్కొంటున్న రాజ్నందగావ్ నుంచి పోటీ చేస్తున్న డాక్టర్. రమణ్సింగ్ గెలుపొందారు. బీజేపీ లోర్మి నుంచి పోటీ చేస్తున్న అరుణ్ సాహు గెలుపొందారు.
