ఆ పాత మధురం...
ముద్ర వార్తలు 
- సహాయ దర్శకుల మాయాజాలం
చిరంజీవి, మోహన్బాబు కలిసి నటించిన ఒక చిత్రం డబ్బింగ్ దశకు చేరుకుంది. మోహన్బాబు డబ్బింగ్అయ్యాక, చిరంజీవి డబ్బింగ్. నిర్మాతకు టెన్షన్ మొదలయింది. ఎలాగో మోహన్బాబు డబ్బింగ్ పూర్తయింది. ఆ చిత్ర అసిస్టెంట్ డైరెక్టర్, మరో కో డైరెక్టర్ అనిల్కుమార్ కలిసి డబ్బింగ్ కండక్ట్ చేశారు. హడివిడిలో వాళ్ళు మోహన్బాబు డైలాగ్ ఒకటి మర్చిపోయారు. దాంతో వాళ్ళకు టెన్షన్ మొదలయింది. ఆ ఒక్క డైలాగ్అసిస్టెంట్ డైరెక్టర్ గొంతుమార్చి డబ్బింగ్ చెప్పారు. సరే సినిమా ఫస్ట్ కాపీ వచ్చింది. ప్రొజెక్షన్ వేసినప్పుడు, ఆ డైలాగ్వచ్చినప్పుడల్లా అనిల్కుమార్, ఆ అసిస్టెంట్ డైరెక్టర్ మొహమెహాలు చూసి నవ్వుకుంటున్నారు. ఒక్కోసారి ఇలా పరిస్థితుల్ని అధిగమించాల్సి ఉంటుంది. ఫ్లోలో వెళ్ళిపోయిన ఆ డైలాగ్ని ఎవ్వరూ గుర్తుపట్ట లేకపోయారు.
