Ponguleti Srinivas Reddy Comments ఇన్ని రోజులకు దొరల గడీ నుంచి విముక్తి కలిగింది: పొంగులేటి శ్రీనివాస్ రెడ్డి
ముద్ర వార్తలు 
ఇన్ని రోజులకు దొరల గడీ నుంచి విముక్తి కలిగిందన్నారు మాజీ ఎంపీ పొంగులేటి శ్రీనివాస్ రెడ్డి. ఇప్పటికైనా సస్పండ్ చేయడం ఆనందంగా ఉందన్నారు. నన్ను సస్పెండ్ చేయడం హాస్యాస్పదంగా ఉందన్నారు. నేను సీఎం కేసీఆర్ను ప్రశ్నించింది వాస్తవం. జనవరి నుంచి పార్టీని, ప్రభుత్వాన్ని ప్రశ్నిస్తూనే ఉన్నా. ఇప్పుడు మీరు ధైర్యం తెచ్చుకొని సస్పెండ్ చేశారు. బీఆర్ఎస్లో సస్పెన్షన్లు ఉండవని ఒకరంటారు, దమ్ము, ధైర్యం ఉంటే మీరే రాజీనామా చేయాలని ఒకరంటారు.
నేను సభ్యుడినే కాదన్నప్పుడు ఎలా సస్పెండ్ చేశారు. బంగారు తెలంగాణ చేస్తామని చెప్పి ఇప్పుడేం చేస్తున్నారు. ఇప్పుడు తెలంగాణ బిడ్డలు అనేక ఇబ్బందులు పడుతున్నారు. పారదర్శక పాలన అందించడం ప్రభుత్వ బాధ్యత. పాలేరు ఉప ఎన్నికలో గెలుపు కోసం నాపై ఒత్తిడి తెచ్చారు. మంత్రి కేటీఆర్ నాతో అనేకసార్లు మాట్లాడారు. పార్టీలో నాకు సముచిత స్థానం కల్పస్తామని సీఎం హామీ ఇచ్చారు. కేసీఆర్ మాటలు నమ్మి నేను బీఆర్ఎస్లో చేరానన్నారు.
