కంప చెట్లలో కన్నతల్లి పేగు బంధం
ముద్ర వార్తలు ముద్ర ప్రతినిధి, సూర్యాపేట: ప్రకృతిలో అన్నింటికన్నా మధురమైనది, గొప్పది కన్నతల్లి ప్రేమ అంటారు. ఈ సృష్టిలో చెడ్డ తండ్రి ఉండొచ్చేమో గాని చెడ్డ తల్లి ఉన్నట్టుగా చరిత్రలో దాఖలాలు లేవు. అలాంటి కన్నతల్లి కన్న పేగు బంధాన్ని కంపచెట్లలో విసిరేసి కసాయి తల్లులు కూడా ఈ సమాజంలో ఉంటారు అని నిరూపించింది. సూర్యాపేట జిల్లా ఆత్మకూర్ ఎస్. మండలం నెమ్మికల్ గ్రామ ఎస్సీ కాలనీలో చర్చి పక్కన సోమవారం తెల్లవారుజామున ఈ సంఘటన జరిగింది. అప్పుడే తెల తెలవారుతుండగా ఆ వైపుగా వెళ్లిన కొందరికి పసిబిడ్డ ఏడుపు వినిపించింది. వెంటనే అక్కడి చేరుకున్న ఇరుగుపొరుగు వారికి నవజాత శిశువు కనిపించడంతో వెంటనే తీసుకువచ్చి చేయాల్సిన పనులన్నీ చేసి ఆ బిడ్డకు ఒక్క తల్లి కాదు మేమందరం తల్లులమే అని నిరూపించారు.
