ఇజ్రాయిల్ పై పాలస్తీనా దాడి
ముద్ర వార్తలు 
ఇజ్రాయిల్ : ఇజ్రాయిల్, పాలస్తీనా దేశాల మధ్య యుద్దం ముదిరింది. పాలస్తీనాకు చెందిన హమాస్ తీవ్రవాద సంస్థ ఇజ్రాయిల్ పై విరుచుకుపడింది. 20 నిమిషాల్లో హమాస్ 5వేల రాకెట్లు ప్రయోగించింది. ఇందులో 50మంది ఇజ్రాయిల్ పౌరులు మృతిచెందారు. మరో వంద మంది గాయాలపాలయ్యారు. అలాగే 30 మంది ఇజ్రాయిల్ పౌరులను హమాస్ నిర్భందించింది. దీంతో ఇజ్రాయెల్ సైన్యం.. దేశం దక్షిణ, మధ్య ప్రాంతాలలో ఒక గంటకు పైగా సైరన్లతో ప్రజలకు హెచ్చరికలు జారీచేసింది. బాంబు షెల్టర్ల దగ్గర ఉండాలని ప్రజలను కోరింది. అనేక మంది ఉగ్రవాదులు గాజా స్ట్రిప్ నుంచి ఇజ్రాయెల్ భూభాగంలోకి చొరబడినట్టుగా ఆ దేశ సైన్యం గుర్తించింది. మరోవైపు చొరబాటుకు సంబంధించి ఇజ్రాయెల్ సైన్యం ప్రకటన విడుదల చేసింది. గాజా వైపు నుంచి ఉగ్రవాదులు చొరబడ్డారని తెలిపింది.
