సరికొత్త పాయింట్‌తో సామజవరగమన
ముద్ర వార్తలు 
యంగ్ అండ్ ప్రామిసింగ్ హీరో శ్రీవిష్ణు, వివాహ భోజనంబు ఫేమ్ రామ్ అబ్బరాజు దర్శకత్వంలో కంప్లీట్ ఫ్యామిలీ ఎంటర్‌టైనర్ 'సామజవరగమన'తో రాబోతున్నారు. హాస్య మూవీస్ బ్యానర్‌ పై ఎకె ఎంటర్‌టైన్‌మెంట్స్‌తో కలిసి రాజేష్ దండా ఈ చిత్రాన్ని నిర్మిస్తున్నారు. అనిల్ సుంకర సమర్పిస్తున్నారు. ఇప్పటికే విడుదలైన ఈ చిత్రం టీజర్ ట్రైలర్ పాటలకు ట్రెమండస్ రెస్పాన్స్ వచ్చింది. జూన్ 29న ఈ చిత్రం ప్రపంచవ్యాప్తంగా థియేటర్లలో విడుదల కానున్న నేపథ్యంలో హీరో శ్రీవిష్ణు 'సామజవరగమన' విశేషాలని విలేకరుల సమావేశంలో పంచుకున్నారు. ప్రివ్యూస్ కి చాలా పాజిటివ్ రెస్పాన్స్ వస్తోంది. కేవలం నవ్వించాలని ఉద్దేశంతో తీసిన చిత్రమిది. ఫ్యామిలీ, యూత్ కి చాలా నచ్చుతుంది. ప్రివ్యూస్ చూసిన ప్రేక్షకులు నాన్ స్టాప్ గా నవ్వుతూనే వున్నారు. ఇది అవుట్ అండ్ అవుట్ క్లీన్ ఎంటర్ టైనర్. కడుపుబ్బా నవ్విస్తుంది. చాలా రిలీఫ్ గా వుంటుంది. ఇందులో మాటలు కూడా కొత్తగా వుంటాయి. పాయింట్ విషయానికి వస్తే తెలుగు సినిమాల్లో ఇప్పటివరకూ రాని పాయింటే చెబుతున్నాం. చాలా డిఫరెంట్ గా వుంటుంది. కొన్ని ఊహించని మలుపులు కూడా వుంటాయి. ప్రేక్షకులకు ఖచ్చితంగా నచ్చుతుందనే నమ్మకం వుంది. టీం అంతా కలిసి చేసిన ఆలోచన. ఈ సినిమా కోసం ఆహ్వాన యాత్ర చేశాం. యాత్ర సమయంలో ఫ్యామిలీస్ ని కలిసినపుడు వారి కోసం ముందుగానే వేయాలని భావించాం. బ్రోచేవారెవరురా, రాజరాజ చోర, అర్జున ఫల్గుణ.. ఇలా నా సినిమాల్లో కొంచెం సంస్కృతం టచ్ వుంటుంది. ఐతే తొలిసారి పూర్తిగా ఫ్యామిలీ ఎంటర్ టైనర్ చేస్తున్నాను. అందరికీ తెలిసిన టైటిల్ ఐతే బావుంటుందని అనుకున్నాం. 'సామజవరగమన' ఐతే ఎలా ఉంటుందని అన్నప్పుడు అనిల్ గారికి చాలా నచ్చింది. 'సామజవరగమన' టైటిల్ శంకరాభరణం, టాప్ హీరో, అల వైకుంఠపురం సినిమాల్లోని పాటలతో అందరికీ పరిచయం. అలాగే ఈ టైటిల్ కి పురాణ వృతాంతం వుంది. ఇంద్రుడు దగ్గర వున్న ఐరావతం నడకని పోలుస్తూ 'సామజవరగమన' అనే వర్ణన చేశారు. శ్రీరాముడు కూడా అంత సొగసుగా నడుస్తారని వర్ణన వుంది.
