ప్రధాని పర్యటనకు ఏర్పాట్లు
ముద్ర వార్తలు 
న్యూఢిల్లీ: ప్రధాని నరేంద్ర మోదీ జూన్ 21 నుంచి నాలుగు రోజుల పాటు అమెరికా టూర్‌కు ఏర్పాట్లు జరుగుతున్నాయి. ఈ పర్యటన చరిత్రలో నిలిచిపోతుందని అమెరికా అధికారులు సంబరపడిపోవడం విశేషం. ఈ పర్యటనలో జూన్ 22న మోడీకి రాష్ట్ర విందులో బైడెన్ఆతిథ్యం ఇవ్వనున్నారు. అమెరికా, భారత్‌ల మధ్య ఆర్థిక, వ్యూహాత్మక సంబంధాలను బలోపేతం చేసుకునేందుకు ప్రధాని మోడీ పర్యటన దోహదం చేయనుంది. మరోవైపు రక్షణ రంగంలో పలు కొనుగోళ్లపై ఒప్పందాలు కూడా చేసుకోనున్నట్లు కేంద్ర పీఎంఓ అధికారులు ఇప్పటికే స్పష్టం చేశారు.
