ఐపీఎల్లో‘ఊ అంటావా.. ఊహు అంటావా’
![ఐపీఎల్లో‘ఊ అంటావా.. ఊహు అంటావా’](https://mudranews.in/uploads/images/2023/03/image_750x_642701feae56b.jpg)
- అభిమానులను ఉర్రూతలూగించిన రష్మిక, తమన్న, అర్జిత్సింగ్
- గ్రాండ్గా ప్రారంభమైన వేడుకలు
అహ్మాదాబాద్: ఇండియన్ ప్రీమియర్ లీగ్-- -2023 మెగా టోర్నీ 16వ సీజన్ అంగరంగ వైభవంగా ప్రారంభమైంది. సినీనటుల ప్రదర్శనలతో ఆద్యంతం అభిమానులను అలరించింది. మిరుమిట్లు గొలిపే కాంతుల మధ్య నరేంద్ర మోదీ స్టేడియం స్టేడియం పరిసరాలు తళుక్కుమన్నాయి. గ్రాండ్గా ప్రారంభోత్సవ వేడుక.. ఐపీఎల్ -16 సీజన్ ఆరంభ వేడుకలు అహ్మదాబాద్ని నరేంద్ర మోదీ స్టేడియంలో అట్టహాసంగా ప్రారంభమయ్యాయి.
ప్రముఖ సింగర్ అర్జిత్ సింగ్ తన గాత్రంతో ప్రేక్షకులను మైమరపించి అభిమానుల్లో ఫుల్ జోష్నింపాడు. కరోనా కారణంగా గత మూడేళ్లుగా ఐపీఎల్ ఆరంభ వేడుకలు జరగలేదు. దీంతో ఈ సారి ప్రారంభోత్సవాన్ని అదిరేలా నిర్వహించేందుకు బీసీసీఐ ఏర్పాట్లు చేసింది. ఈ ఆరంభ వేడుకలకు బీసీసీఐ అధ్యక్షుడు రోజర్ బిన్నీ, కార్యదర్శి జై షా హాజరయ్యారు. ఇక హీరోయిన్ రష్మిక మంధాన పుష్ప సినిమాలోని 'సామి సామీ', 'శ్రీ వల్లి' పాటలకు అదిరిపోయే స్టెప్పులేసి ఫ్యాన్స్లో జోష్ నింపింది. 'ఆర్ఆర్ఆర్'లోని నాటు నాటు పాటకు నృత్యం చేసి అలరించింది. మరో హీరోయిన్ తమన్న భాటియా సందడి చేసింది. వివిధ భాషల పాటలకు డ్యాన్స్ చేస్తూ.. ప్రేక్షకులను ఈ సినీరంగానికి చెందిన ముద్దుగుమ్మలు అలరించాయి. టాలీవుడ్ సినిమా 'పుప్ప'లోని 'ఊ అంటావా మావ' పాటకు చిందులేయగా స్టేడియం మొత్తం హోరెత్తింది.