మోడీ ప్రమాణ స్వీకారోత్సవానికి కేసీఆర్‌కు ఆహ్వానం...!
sharma 
ముద్ర,తెలంగాణ:- మూడోసారి భారత ప్రధానిగా మోడీ ప్రమాణం చేయబోతున్న వేడుకకు హాజరుకావాలంటూ తెలంగాణ మాజీ సీఎం కేసీఆర్‌కు ఆహ్వానం అందింది. బీజేపీ సీనియర్ నేత ప్రహ్లాద్ జోషి గులాబీ అధినేతను ఆహ్వానించారు. రేపు మోడీ ప్రమాణం చేస్తున్న సందర్భంగా కార్యక్రమానికి హాజరుకావాలని ఆయన కోరారు. ఈ వేడుకకు దేశంలోని సీఎంలు, మాజీ సీఎంలు, వివిధ పార్టీల అధ్యక్షులు, ముఖ్య నేతలను ఆహ్వానిస్తున్నారు. విదేశీ అతిథులు కూడా రానున్నట్లు సమాచారం. అయితే ఈ ఈవెంట్ కు కేసీఆర్ వెళ్తారా? లేదా? అనేది ఆసక్తికరంగా మారింది.
