ఏప్రిల్లో తెలంగాణ అసెంబ్లీ ఎన్నికలు : మంత్రి కేటీఆర్
sharma 
ముద్ర, తెలంగాణ బ్యూరో :రాష్ట్ర అసెంబ్లీ, జమిలి ఎన్నికలపై బీఆర్‌ఎస్‌ వర్కింగ్‌ ప్రెసిడెంట్‌, ఐటీ పరిశ్రమల మంత్రి కల్వకుంట్ల తారకరామారావు మంగళవారం కీలక వ్యాఖ్యలు చేశారు. ప్రగతి భవన్‌లో ఆయన మీడియాతో చిట్‌చాట్‌ నిర్వహించారు. ఈ సందర్భంగా ఆయన మాట్లాడుతూ అక్టోబర్‌లో తెలంగాణ అసెంబ్లీ ఎన్నికలు జరుగకపోవచ్చని, అక్టోబర్ 10లోగా షెడ్యూల్ వస్తేనే ఎన్నికలు జరిగే అవకాశం ఉంటుందని, కానీ, నోటిఫికేషన్ వచ్చేది అనుమానమే అని అభిప్రాయపడ్డారు. మరో ఆరు నెలల తర్వాతే ఎన్నికలు ఉండవచ్చేమోనని, ఏప్రిల్, మే నెలలో ఎలక్షన్స్ ఉంటాయని, ఈ ఎన్నికలపై పార్లమెంట్‌ ప్రత్యేక సమావేశాల తర్వాత స్పష్టత వచ్చే అవకాశం ఉందన్నారు. అయితే, జమిలి ఎన్నికలు ఉన్నా లేకపోయినా భారత రాష్ట్ర సమితికే లాభమన్నారు.
