నవంబర్ 26చీకటి రోజు
ముద్ర వార్తలు 
ఉగ్రవాదాన్ని సహించబోమన్న ప్రధాని మోడీ
న్యూఢిల్లీ: నవంబర్ 26వ తేదీనీ దేశం ఎన్నటికీ మరిచిపోలేని అది భయంకరమైన రోజని, భారత్ ఆ రోజు ఉగ్రదాడిని ఎదుర్కొని అనేకమంది అమాయక పౌరుల ప్రాణాలను కోల్పోయిందని ప్రధాని నరేంద్రమోడీ వారందరికీ నివాళులర్పించారు. మన్కీ బాత్ కార్యక్రమంలో ప్రధాని మోడీ ఆదివారం జాతినుద్దేశించి ప్రసంగించారు. ఉగ్రదాడిని ఎదుర్కొని అనేకమంది సైనికులు, పోలీసులు తమ ధైర్య సాహసాలను చూపారన్నారు. దురదృష్టవశాత్తు అందులో కొందరు అమరులయ్యారని ఆవేదన వ్యక్తం చేశారు.
భారత్ ఉగ్రవాదాన్ని ఎప్పటికీ సహించబోదని దాన్ని కూకటివేళ్లతో సహా పెకిలించివేస్తామన్నారు. దేశం ఈ దాడిని ఎన్నటికీ మరిచిపోలేదన్నారు. అలాగే నవంబర్ 26ను రాజ్యాంగ దినోత్సవంగా ( 2015 లో బాబాసాహెబ్ అంబేద్కర్ 125వ జయంతి సందర్భంగా) ప్రభుత్వం నిర్వహించాలని నిర్ణయించిందని దేశ ప్రజలకు రాజ్యాంగ దినోత్సవ శుభాకాంక్షలు తెలిపారు. కాగా, లోక్ సభ, రాజ్యసభలో నారీశక్తివందన్ చట్టం ఆమోదించామని సంతోషం వ్యక్తం చేశారు. యూపీఐ చెల్లింపులు శుభపరిణామంటూ వ్యాఖ్యానించారు. దేశంలోని యువశక్తి ద్వారా మేధోసంపత్తితో అనేక నూతన ఆవిష్కరణలు చోటు చేసుకోవడం సంతోషకరమన్నారు. అదే విధంగా భారత సంస్కృతిని విస్తరింప చేయాలని పిలుపునిచ్చారు. సోమవారం రేవ్ దీపావళి సందర్భంగా దేశ ప్రజలకు ప్రధాని మోడీ శుభాకాంక్షలు తెలిపారు.
