మీ మేనిఫెస్టోను జనం నమ్మబోరు - టీపీసీసీ చీఫ్ రేవంత్ రెడ్డి
ముద్ర వార్తలు 
ముద్ర, తెలంగాణ బ్యూరో : గత ఎన్నికల్లో ఇచ్చిన హామీలను విస్మరించిన బీఆర్ఎస్ మేనిఫెస్టోను వచ్చే ఎన్నికల్లో తెలంగాణ ప్రజలు నమ్మబోరని టీపీసీసీ చీఫ్ రేవంత్ రెడ్డి చెప్పారు. ప్రతిపక్షాల మనసులను ఖాళీ చేసేలా సీఎం కేసీఆర్ మేనిఫెస్టోను విడుదల చేస్తారని మంత్రులు కేటీఆర్, హరీశ్ రావు చేసిన వ్యాఖ్యలపై స్పందించిన రేవంత్ రెడ్డి.. 2014, 2018 మేనిఫెస్టోలో ఇచ్చిన ప్రతి దళిత కుటుంబానికి మూడెకరాల భూమి, రూ.లక్ష పంట రుణమాఫీ, రూ.3,116 నిరుద్యోగ భృతి, లక్షలాది ప్రభుత్వ ఉద్యోగాల భర్తీ ఇతర హామీలు ఏమయ్యాయని ప్రశ్నించారు. ఇప్పుడు అసెంబ్లీ ఎన్నికల స‌మ‌యం ద‌గ్గర‌ప‌డుతుండ‌డంతో బీఆర్ఎస్ మ‌ళ్లీ తీసుకువ‌స్తున్న కొత్త మేనిఫెస్టోను ఎవరు నమ్ముతారంటూ రేవంత్ రెడ్డి ప్రశ్నించారు. ప్రజలను మభ్యపెట్టేందుకు బీఆర్ఎస్ తన ఎన్నికల మేనిఫెస్టోలో కొత్త అబద్ధాలతో ముందుకు రాబోతున్నద‌ని ఆరోపించారు.
