బంగ్లాను బాదేసిన ఇంగ్లాండ్
ముద్ర వార్తలు 
- 137 పరుగులతో భారీ విజయం
- 140 పరుగులతో బౌలర్లకు చుక్కలు చూపిన డేవిడ్ మలాన్
ధర్మశాల: ఐసీసీ వరల్డ్ కప్ ఇంగ్లాండ్ – బంగ్లాదేశ్ల మధ్య జరిగిన మ్యాచ్లో ఇంగ్లాండ్ 137 పరుగుల తేడాతో బంగ్లాదేశ్పై విక్టరీ సాధించింది. మంగళవారం జరిగిన ఈ మ్యాచ్లో టాస్ గెలిచిన బంగ్లాదేశ్ తొలుత ఫీల్డింగ్ ఎంచుకుంది. దీంతో ఇంగ్లాండ్ బ్యాటింగ్కు దిగింది. జానీ బారిస్టో (52), డేవిడ్ మలాన్ 107 పరుగుల్లోనే 16 ఫోర్లు, 5 సిక్స్లతో విజృంభిస్తూ (140) పరుగులు, జో రూట్ 82, జాస్ బట్లర్ (కెప్టెన్) 20, హ్యారీ బ్రూక్ (20), లీయామ్ లైవింగ్స్టోన్ (0), సామ్ కుర్రన్ (11), వోక్స్ (14), ఆదిల్ (11), మార్క్ వుడ్ (6) నాటౌట్, టోఫ్లే (1) నాటౌట్. 50 ఓవర్లలో 9 వికెట్లు కోల్పోయి 364 పరుగులు సాధించి బంగ్లాకు భారీ లక్ష్యాన్ని విధించింది. ఇక బౌలింగ్ విషయానికి వస్తే బంగ్లాదేశ్ బౌలర్ మహదీ హసన్ (4) వికెట్లు, ఇస్లామ్ (3), అల్ అసన్ (1), అహ్మాద్ (1) వికెట్లు సాధించారు.
365 పరుగుల భారీ విజయ లక్ష్యంతో బరిలోకి దిగిన బంగ్లాదేశ్ ఓపెనింగ్ బ్యాట్స్మెన్ లిట్టన్ దాస్ 76 పరుగులతో నిలదొక్కుకోగా, అతనికి సరసన ఎవ్వరూ నిల్చోలేకపోయారు. టాన్జిద్ హసన్ (1), శాంటో (0), షకీమ్ (1), మీరాజ్ (8) వరుసగా వికెట్లు కోల్పోయారు. అనంతరం వచ్చిన రహిమ్ (51) పరుగులు సాధించి పరవాలేదనిపించాడు. తౌహీద్ (39), మెహదీ హసన్ (14), టాస్కిన్ అహ్మద్ (15), ఇస్లామ్ (12), రెహ్మాన్ (3) పరుగులు సాధించారు. 48.2 ఓవర్లలో పది వికెట్లు కోల్పోయి 227 పరుగులు సాధించి 137 పరుగులతో ఓటమిని చవిచూశారు. ఇక బౌలింగ్ విషయానికి వస్తే ఇంగ్లాండ్ బౌలర్లు టోఫ్లే (4), వోక్స్ (2), కుర్రేన్ (1), వుడ్ (1), రషీద్ (1), లియామ్ (1) వికెట్లు సాధించారు. ప్లేయర్ ఆఫ్ ద మ్యాచ్గా 140 పరుగులు సాధించి డేవిడ్ మలాన్ ఎంపికయ్యాడు. పాయింట్స్ టేబుల్లో ఇంగ్లాండ్ 2 పాయింట్లతో ఉండగా, బంగ్లా 0 పాయింట్లతో వెనుకబడింది.
