మంచు కుటుంబంలో అన్నదమ్ముల మధ్య గొడవ
ముద్ర వార్తలు 
మంచు ఫ్యామిలీలో అన్నదమ్ముల గొడవలు రోడ్డున పడ్డాయి. అన్న విష్ణు తీరుపై మండిపడుతూ మనోజ్ ఓ వీడియోను సోషల్ మీడియాలో పోస్టు చేయడం కలకలం రేపుతోంది. తన అనుచరుడు సారథి ఇంటికి వెళ్లి అతడిపై విష్ణు దాడి చేశాడని, ఇలాగే బంధువుల ఇళ్లల్లో దాడులు చేస్తాడని మనోజ్ ఈ వీడియోలో ఆరోపించాడు. ఈ వీడియోను మనోజ్ తన ఫేస్ బుక్ పేజీలో స్టేటస్ గా పెట్టాడు. అయితే, తండ్రి మోహన్ బాబు ఆగ్రహం వ్యక్తం చేయడంతో మనోజ్ తన వీడియోను డిలీట్ చేసినట్టు సమాచారం. మంచు వారింట్లో అన్నదమ్ముల మధ్య సఖ్యతలేదని చాలా రోజులుగా ప్రచారం జరుగుతోంది. మంచు మనోజ్ గురించి మాట్లాడను.. అది వాడి పర్సనల్ అంటూ ఆ మధ్య ఓసారి మంచు విష్ణు అన్నాడు. ఎవ్వరికీ సలహాలు ఇవ్వబోనంటూ తన తమ్ముడి గురించి విష్ణు పరోక్షంగా స్పందించాడు. ఇటీవల జరిగిన మనోజ్, భూమా మౌనికల పెళ్లిలోనూ విష్ణు కనిపించలేదు. బంధువులాగా వచ్చి వెళ్లినట్లు సమాచారం. పెళ్లి ఫోటోలు, వీడియోల్లో ఎక్కడా విష్ణు కనిపించలేదు.
