ఎమ్మెల్యేలపై ‘మమత’
ముద్ర వార్తలు 
- రూ. 40వేల వేతనం పెంపు
కోల్కత్తా: పశ్చిమ బెంగాల్తృణమూల్కాంగ్రెస్ ఎమ్మెల్యేల వేతనాలపై ఆ రాష్ర్ట ముఖ్యమంత్రి ‘మమత’ చూపించారు. ఎమ్మెల్యేల వేతనాలను రూ. 40 వేలను పెంచనున్నట్లు అసెంబ్లీలో గురువారం ప్రకటించారు. ఇక నుంచి జూన్20వ తేదీన బెంగాల్లో కొత్త సంవత్సరాన్ని నిర్వహించుకోనున్నట్లు అసెంబ్లీలో తీర్మాణం చేశారు. రాష్ర్ట గవర్నర్తమ నిర్ణయాన్ని ఆమోదించినా, ఆమోదించకున్నా కొత్త సంవత్సరం నిర్వహించుకోనున్నట్లు ముందే చెప్పి సెగ పుట్టించారు. కాగా తన వేతంలో మాత్రం ఎలాంటి మార్పు లేదన్నారు. గత కొంతకాలంగా సీఎం మమతా బెనర్జీ వేతనం కూడా తీసుకోకపోవడం గమనార్హం. ఇతర రాష్ర్టాలతో పోలిస్తే బెంగాల్లో ప్రజాప్రతినిధుల జీతాలు చాలా తక్కువగా ఉన్నాయని మమత అన్నారు. కాగా పెరిగిన జీతంతో ఎమ్మెల్యేల వేతనం మొత్తం ఎంత అనే విషయంపై మాత్రమ సీఎం క్లారిటీ ఇవ్వలేదు. మరోవైపు బీజేపీపై మమతా బెనర్జీ విమర్శల బాణాలు ఎక్కు పెట్టారు. బీజేపీది ప్రజారంజక పాలన కాదన్నారు. అడుగడుగునా కేంద్ర సంస్థలతో ప్రతిపక్ష నేతలకు బెదిరింపులు ఎదురవుతున్నాయన్నారు. ఎట్టి పరిస్థితుల్లోనూ ఈ బెదిరింపులకు టీఎంసీ నాయకులు భయపడబోరన్నారు. ఇండియా కూటమిని కూడా అస్థిరపరిచే కుట్రలకు బీజేపీ తెరతీసిందని మమతా బెనర్జీ ఆరోపించారు.
