కెనడాలో ఖలిస్థానీ నేత నిజ్జార్ హత్య!
కెనడా: ఇటీవలే భారత్ జారీ చేసిన మోస్ట్వాంటెడ్40 మంది నేరస్థుల జాబితాలో ఉన్న ఖలీస్థాన్ నాయకుడు హర్దీప్సింగ్ నిజ్జార్హత్యకు గురయ్యాడు. బ్రిటీష్ కొలంబియా ప్రావిన్స్లో ఉన్న సర్రీ పట్టణంలోని గురుద్వారా ఆలయం బయట ఇద్దరు గుర్తుతెలియని దుండగులు నిజ్జార్ను తుపాకులతో కాల్చి చంపారు. ఈ విషయాన్ని అక్కడి స్థానిక అధికారులు వెల్లడించారు. నిజ్జార్గురునానక్ సిక్ గురుద్వారాకు అధ్యక్షునిగా, ఖలిస్థాన్ టైగర్ ఫోర్స్కు అధినేతగా కొనసాగుతున్నాడు. హర్దీప్ సింగ్పై పంజాబ్లో అల్లర్లను సృష్టించేందుకు, హింసకు పాల్పడేందుకు ప్రయత్నించాడన్న ఆరోపణలున్నాయి. భారత్లో నిషేధించిన సిక్స్ ఫర్ జస్టీస్ అనే వేర్పాటువాద సంస్థతో కూడా హరిదీప్కు సంబంధాలు ఉన్నాయి. ఈ నేపథ్యంలో ఇతని ఆచూకీ తెలియజేస్తే రూ.10 లక్షల రివార్డును కూడా భారత్ ప్రకటించింది. కెనడాలో ఉన్న వారిని ఖలిస్థాన్ ఉద్యమం పేరుతో రెచ్చగొడుతూ.. దేవాలయాలపై దాడులకు తెగబడడంలో కూడా ఇతని పాత్ర ఉన్నట్లు ఇంటలిజెన్స్ వర్గాలు గుర్తించాయి. పలుమార్లు ఇతని ఆచూకీ లభించి భారత్బృందాలు ఇతన్ని అరెస్టు చేసేందుకు ప్రయత్నించినా నిజ్జార్ తృటిలో తప్పించుకున్నాడు. మరోవైపు కెనడా–భారత్ల మధ్య నేరస్థుల అప్పగింతల ఒప్పందంపై కూడా ఆటంకాలు ఏర్పడ్డాయి. ఈ నేపథ్యంలో ఇంటలిజెన్స్ బృందాలు ఇతనిపై ఓ కన్నేసి ఉంచినట్లు మీడియా వర్గాలు స్పష్టం చేస్తున్నాయి.