బీజేపీలో చేరిన డాక్టర్ దాస్యం అభినవ్ భాస్కర్
ముద్ర వార్తలు 
నేడు ఢిల్లీలో కేంద్ర మంత్రివర్యులు, తెలంగాణ రాష్ట్ర బీజేపీ అధ్యక్షులు శ్రీ కిషన్ రెడ్డి సమక్షంలో పార్టీలో చేరిన జీడబ్ల్యుఎంసీ 60వ డివిజన్ కార్పొరేటర్ డా.దాస్యం అభినవ్ భాస్కర్ ఈ కార్యక్రమంలో పార్టీ జాతీయ ఉపాధ్యక్షురాలు డి.కె అరుణ, జాతీయ ప్రధాన కార్యదర్శి కరీంనగర్ ఎంపీ బండి సంజయ్, బీజేపీ జాతీయ కార్యవర్గ సభ్యులు ఈటెల రాజేందర్ తదితరులు పాల్గొన్నారు.
ఈ సందర్భంగా కిషన్ రెడ్డి మాట్లాడుతూ నరేంద్ర మోడీ గారి జనరంజక పాలనకు ఆకర్షితులై యువ బీజేపీ వైపు చూస్తున్నారని బీఆర్ఎస్ లో ఉన్న నేతలు బీజీపీలో చేరాలని నేను పిలుపు ఇస్తున్నా అని అన్నారు. ఈ సందర్భంగా దాస్యం అభినవ్ భాస్కర్ మాట్లాడుతూ యుగపురుషుడు నరేంద్ర మోడీ నాయకత్వంలో దేశం పురోగమిస్తోందని , బీజేపీ ప్రభుత్వం ఉంటేనే దేశం సుభిక్షంగా ఉంటుందని రానున్న సార్వత్రిక ఎన్నికల్లో భారీ మెజారిటీతో మోడీ 3.0 ప్రభుత్వం ఏర్పాటు కోసం బీజేపీ లో ఒక సైనికుడిలా పని చేస్తానని తెలిపారు
