నేడు కిషన్రెడ్డి అమెరికా పర్యటన
ముద్ర వార్తలు 
- ప్రపంచ పర్యాటకరంగ అభివృద్ధిపై ప్రసంగం
ముద్ర, తెలంగాణ బ్యూరో : బీజేపీ రాష్ట్ర అధ్యక్షుడు, కేంద్ర సాంస్ర్కృతికశాఖ మంత్రి జి.కిషన్రెడ్డి గురువారం అమెరికా వెళ్లనున్నారు. ఐక్యరాజ్యసమితి అంతర్జాతీయ హైలెవల్ పొలిటికల్ ఫోరమ్ సదస్సుకు ఆయన హాజరు కానున్నారు. ప్రపంచ పర్యాటక రంగ అభివృద్ధిపై ప్రసంగించేందుకు కేంద్ర మంత్రిని ఐక్యరాజ్యసమితి ప్రపంచ పర్యాటక సంస్థ ఆహ్వానించింది. ఇది కిషన్రెడ్డికి దక్కిన అరుదైన అవకాశం. దాదాపు వారం రోజుల పాటు ఆయన అమెరికాలో ఉండనున్నారు. ఈనెల 18వ తేదీన భారత్కు చేరుకోనున్నారు. బుధవారం రాత్రికి ఆయన ఢిల్లీకి చేరుకోనుండగా, అక్కడి నుంచి అమెరికాకు బయలుదేరి వెళ్లనున్నారు.
