మూడు నెలల్లో పదిమందిని కరిచిన జో బైడెన్పెంపుడు కుక్క!
వాషింగ్టన్: అమెరికా అధ్యక్షుడు జో బైడెన్శునక మహరాజు గత మూడు నెలల్లోనే 10సార్లు సెక్యూరిటీని కరవడం కలకలం రేపుతోంది. అధ్యక్షుడికి షెఫర్డ్ జాతికి చెందిన ‘కమాండర్’ అనే శునకం ఉంది. అయితే ఈ మధ్య గత మూడు నెలల్లో సెక్యూరిటీని పది సార్లు కరిచినట్లు వైట్హౌస్ వర్గాలు వెల్లడించాయి. అసలే అమెరికా అధ్యక్షుడి కుక్క కరవడంతో చేసేదేం లేక సెక్యూరిటీ సిబ్బంది చికిత్స చేయించుకుంటున్నారట.
గతంలో కూడా ఇలాగే కొంతమంది సీక్రెట్ సర్వీస్ అధికారులు కూడా కమాండర్ కరిచిందని సమాచారం. ఈ విషయం అధ్యక్షుడి వరకూ పొక్కడంతో దాన్ని డెలావేర్లోని వెల్మింగ్టన్లో తన నివాసానికి బైడెన్ తరలించినట్లు సమాచారం. ఏది ఏమైనా ఎంత అమెరికా అధ్యక్షుడి శునకమైనా అస్తమాను దానికి స్వేచ్ఛ అనేది లేకుండా సెక్యూరిటీ వ్యవహరిస్తే కరవదా ఏంటి? అనే కామెంట్లు సోషల్ మీడియాలో వినిపిస్తున్నాయి.