మేం సచ్చిపోతాం.. మీదే బాధ్యత
ముద్ర వార్తలు 
:
:
- జూనియర్ పంచాయతీ కార్యదర్శులకు టెర్మినేట్ లేఖలు
- తమకేమైనా జరిగితే అధికారులదే బాధ్యత అంటున్న జేపీఎస్లు
- ఇండ్లకు నోటీసులు అంటిస్తున్న వైనం
ముద్ర, తెలంగాణ బ్యూరో : జూనియర్ పంచాయతీ కార్యదర్శులు సమ్మెను కొనసాగించారు. క్రమబద్ధీకరణ కోసం సమ్మె చేస్తున్న జేపీఎస్లకు ప్రభుత్వం హెచ్చరికలు జారీ చేసిన విషయం తెలిసిందే. ఇవ్వాళ సాయంత్రం 5 గంటలలోపు సమ్మె విరమించాలని వార్నింగ్ ఇచ్చారు. కానీ, వారంతా సమ్మెలోనే కొనసాగారు. ఈ సందర్భంగా పలువురికి నోటీసులు జారీ చేశారు. వారిని విధుల్లో నుంచి తొలిగిస్తున్నట్లు లేఖలు ఇచ్చేందుకు జూనియర్ పంచాయతీ కార్యదర్శులకు ఫోన్లు చేశారు. దీంతో జేపీఎస్లు అధికారుల తీరుపై ఆవేదన వ్యక్తం చేశారు. తమను విధుల నుంచి తొలిగిస్తే.. తమకేమైనా జరిగితే బాధ్యత ప్రభుత్వానిదేనని, తమ భార్యా, పిల్లల బాధ్యత తీసుకుంటామని లేఖ కూడా ఇవ్వాలంటూ చెప్తున్నారు. కరీంనగర్ జిల్లాలో ఈ ఆడియో వైరల్గా మారింది. కాగా, జేపీఎస్ ల ఇండ్లకు అధికారులు నోటీసులు అంటించారు.
