పారిస్‌లో పేలుడు..
sharma 
- 40 మందికి గాయాలు
పారిస్: ఫ్రాన్స్ రాజధాని పారిస్‌లో రూ సెయింట్-జాక్వెస్‌లో ఉన్న ఒక డిజైన్ స్కూల్, క్యాథలిక్ విద్యా వ్యవస్థ ప్రధాన కార్యాలయ భవనంలో భారీ పేలుడు చోటు చేసుకోవడంతో తీవ్ర కలకలం చోటు చేసుకుంది. ఈ పేలుడులో సుమారు గాయాలపాలైన వారి సంఖ్యలో స్పష్టత లేదు. అధికార వర్గాలు 16 మందికి గాయాలయినట్లు, ఏడుగురి పరిస్థితి విషమంగా ఉన్నట్లు పేర్కొంటున్నా.. పారిస్ వార్త సంస్థలు మాత్రం ఇందుకు భిన్నంగా 40 మందికి గాయాలైనట్లు పేర్కొంటున్నాయి. పేలుడు ఘటన జరిగిన వెంటనే పోలీసులు చుట్టుపక్కల భవనాలను ఖాళీ చేయించారు. రెస్క్యూ బృందాలు గాయపడిన వారిని ఆసుపత్రికి తరలించారు. ఈ పేలుడు దేనివల్ల జరిగిందనే విషయంపై ఇంకా అధికార వర్గాలు వెల్లడించలేదు. పేలుడు ఘటన అనంతరం మంటలను ఆర్పేందుకు మొత్తం పెద్ద ఎత్తున ఫైరింజన్ల నీటిని వాడుకున్నట్లు అధికారులు తెలిపారు. పేలుడు ప్రభావం చుట్టుపక్కల భవనాలపై కూడా స్వల్పంగా పడడంతో ఆ భవనాల అద్దాలు కూడా ధ్వంసమవుతూ కింద పడుతున్నాయి. ఈ విషయంపై పారిస్పోలీసులు కేసు నమోదు చేసి దర్యాప్తు చేపట్టారు.
