గూగుల్ మ్యాప్ చూస్తూ డ్రైవింగ్ గోదావరిలో దిగిన లారీ
sharma 
- డ్రైవర్ ను కాపాడిన ఎంపీటీసీ శ్రీనివాస్
ముద్ర, తెలంగాణ బ్యూరో : గూగుల్ మ్యాప్ ను నమ్ముకున్న ఓ లారీ డ్రైవర్ గోదావరిలోకి దూసుకుపోయాడు. సిద్ధిపేట జిల్లా అక్కన్నపేట మండలం గౌరవెల్లి ప్రాజెక్టు వద్ద ఈ ఘటన జరిగింది. ఇటీవల గౌరవెల్లి ప్రాజెక్టు పూర్తి కావడంతో గుడాటిపల్లి గ్రామానికి వెళ్ళవల్సిన దారులను మూసివేశారు. అయితే, రామవరం నుంచి హుస్నాబాద్ కు వెళ్ళే పాతదారిని మూసివేయలేదు. దీంతో ఓ లారీ డ్రైవర్ నేరుగా హుస్నాబాద్ కు వెళ్ళే మార్గం అనుకుని డ్యామ్ లోకి వెళ్ళిపోయాడు. అకస్మాత్తుగా అక్కడ నీళ్ళు కనిపించడంతో ఏదైనా వాగు అని భావించి, అది దాటక మళ్ళీ రోడ్డు ఉందనుకున్నాడు. ఈ క్రమంలో ఎంత దూరం వెళ్ళినా నీళ్ళు ఎక్కువడంతో లారీ అగిపోయింది. లారీ డ్రైవర్ ఆ నీటిలో చిక్కుకుపోయాడు. లారీని గమనించిన రామవరం గ్రామస్తులు స్థానిక ఎంపీటీసీ లింగాల శ్రీనివాస్ కి సమాచారం ఇచ్చారు. ఘటన స్థలానికి చేరుకున్న శ్రీనివాస్ జేసీబీ సహయంతో లారీని, డ్రైవర్ ను బయటకి తీసుకువచ్చి ప్రాణాపాయం నుంచి కాపాడారు.
