వన్డే సీజే
sharma 
- హైకోర్టు యాక్టింగ్ సీజేగా జస్టిస్ నవీన్రావు
- ఉదయం బాధ్యతలు, సాయంత్రం రిటైర్మెంట్
- తరువాత నుంచి తాత్యాలిక సీజేగా జస్టిస్ అభినంద్ కుమార్షావిలి
ముద్ర, తెలంగాణ బ్యూరో:హైకోర్టులో యాక్టింగ్ సీజేగా జస్టిస్ నవీన్ రావు శుక్రవారం ఉదయం బాధ్యతలు స్వీకరించనున్నారు. సాయంత్రమే ఆయన పదవీ విరమణ చేయనున్నారు. శనివారం నుంచి తాతాల్కిక సీజేగా జస్టిస్ అభినంద్ కుమార్ షావిలి బాధ్యతలు చేపడతారు. హైకోర్టు సీజేగా ఉన్న జస్టిస్ ఉజ్జల్ భూయాన్ సుప్రీం కోర్టు జడ్జిగా నియమితులైన విషయం తెలిసిందే. జస్టిస్ కన్నెగంటి లలిత కుమారి కర్ణాటక హైకోర్టుకు బదిలీ అయ్యారు. ఈ నేపథ్యంలో యాక్టింగ్ సీజేగా జస్టిస్ నవీన్ కుమార్కు అవకాశం వచ్చింది. శుక్రవారమే ఆయన సీజేగా పదవీ విరమణ చేయనున్నారు. ఈ సందర్భంగా జస్టిస్ నవీన్రావుకు ఘనంగా వీడ్కోలు పలుకనున్నారు. ఈ మేరకు బార్ అసోసియేషన్ ఏర్పాట్లు చేసింది.జస్టిస్ ఉజ్జల్ భూయాన్‌కు తెలంగాణ హైకోర్టు గురువారం ఘనంగా వీడ్కోలు ప‌లికింది. ఈ వేడుక‌లో హైకోర్టు న్యాయ‌మూర్తులు, న్యాయ‌వాదులు భారీ సంఖ్యలో పాల్గొన్నారు. నిరుడు జూన్ 28 నుంచి గురువారం వరకు జస్టిస్ భూయాన్ తెలంగాణ హైకోర్టు సీజేగా ఉన్నారు.
