నేటితో ముగియనున్న ఎన్నికల కోడ్...
sharma 
ముద్ర,హైదరాబాద్:- దేశంలో రెండున్నర మాసాలకు పైగా అమలులో ఉన్న ఎన్నికల కోడ్ నేటితో ముగుస్తుంది. సార్వత్రిక ఎన్నికలకు కేంద్ర ఎన్నికల సంఘం మార్చి 16వ తేదీన నోటిఫికేషన్ విడుదల చేసింది. ఆ మరుక్షణం నుంచే దేశవ్యాప్తంగా ఎన్నికల కోడ్ అమలులోకి వచ్చింది. ఆ తర్వాత ఎన్నికల షెడ్యూల్ కూడా విడుదలైంది. ఇలా ఏడు విడతల్లో పోలింగ్ జరిగింది. జూన్ 4వ తేదీన ఓట్ల లెక్కింపు జరిగి ఫలితాలు విడుదలయ్యాయి. ఈరోజు జూన్ 5వ తేదీ కేంద్ర ఎన్నికల సంఘం అధికారికంగా కోడ్ను ఎత్తివేస్తూ నిర్ణయం తీసుకోనుంది. ఇక కోడ్ ఎత్తివేసిన తర్వాత అన్ని రకాల ప్రభుత్వ కార్యక్రమాలు నిర్వహించు కోవడానికి వీలవుతుంది.
