సుడాన్లో విమాన ప్రమాదం
sharma 
- 9 మంది మృతి
- విద్రోహమా? సాంకేతిక లోపమా?
- విచారిస్తున్నామన్న ఆర్మీ అధికారులు
సుడాన్: సుడాన్లో ఆర్మీ పౌర సేవలకు వినియోగించే విమానం కూలిపోయి 9మంది మృతిచెందారు. పలువురికి గాయాలయ్యాయి. సూడాన్‌లో గత 3 నెలలుగా ఆర్మీ, పారామిలిటరీ ర్యాపిడ్ సపోర్ట్ ఫోర్స్ మధ్య యుద్ధం జరుగుతోంది. దీంతో సూడాన్‌లో అంతర్యుద్ధం కొనసాగుతోంది. కాగా సూడాన్‌లోని పోర్ట్ సుడాన్ విమానాశ్రయంలో విమానం కూలిపోవడం విద్రోహ చర్య అనే అనుమానాలు కూడా ఆర్మీ వ్యక్తం చేస్తుంది. పారామిలిటరీ ఫోర్స్విమాన ప్రమాదానికి కారణమనే ఆరోపణలు చేస్తోంది. ఈ విమానంలో ఆర్మీకి చెందిన నలుగురు ఉండగా, మిగతా వారు సామాన్య పౌరులుగా ఆర్మీ అధికారులు వెల్లడించారు. ఘటనలో ఓ బాలిక ప్రాణాన్ని సహాయక బృందాలు కాపాడి ఆసుపత్రికి తరలించాయి. కాగా ప్రమాదానికి సాంకేతిక లోపమే కారణం అనే వాదనలూ ఉన్నాయి. దీనిపై కూడా విచారణ చేపడుతున్నట్లు ఆర్మీ వెల్లడించింది.
