తెలంగాణకు మరో అంతర్జాతీయ పరిశ్రమ
![తెలంగాణకు మరో అంతర్జాతీయ పరిశ్రమ](https://mudranews.in/uploads/images/2023/05/image_750x_6461d078e35be.jpg)
తెలంగాణకు మరో అంతర్జాతీయ పరిశ్రమ వచ్చింది. ఫాక్స్కాన్ సంస్థ నిర్మాణానికి మంత్రి కేటీఆర్ భూమి పూజ చేశారు. రూ. 1,655 కోట్ల పెట్టుబడితో ఈ సంస్థ ఏర్పాటు చేస్తున్నారు. ఈ కార్యక్రమంలో మంత్రి సబితా ఇంద్రారెడ్డి, ఫాక్స్ కాన్ చైర్మన్యాంగ్లియా పాల్గొన్నారు. ఈ పరిశ్రమలో 35 వేల మందికి ఉద్యోగ, ఉపాధి అవకాశాలు కల్పిస్తారు. ఈ సందర్భంగా ఐటీ శాఖ మంత్రి కేటీఆర్ మాట్లాడుతూ ఐటీ రంగంలో తెలంగాణ రెండో స్థానంలో ఉందని అన్నారు. మరో పదేళ్లలో 15 లక్షల మందికి ఉపాధి అవకాశాలు దొరుకుతాయన్నారు. ఈ పరిశ్రమతో ఒప్పందం కుదిరిన రెండు నెలల్లోనే శంకుస్థాపన చేశామన్నారు. మొదటి దశలో 25 వేల మందికి ఉద్యోగాలు దొరుకుతాయన్నారు. యువత కోసం ప్రత్యేక శిక్షణ కేంద్రాలు ఏర్పాటు చేస్తామని చెప్పారు.